Programa do Entroido de 2025 de Barbadás: actividades, datas e horarios

Consulta aquí o programa completo do Entroido de Barbadás 2025.

Actividades, datas e horarios

Sábado 15 de febrerio

Entre os acontecementos previos ós grandes días, este sábado 15 ás 16.30h terán lugar as “III Mascaradas ancestrais”.

Martes 26 de febreiro

Masterclass especial de Entroido no Polideportivo Municipal, para todos os públicos desde as 20:00H ata as 20:45H, co único requisito é asistir disfrazado.

Xoves 27 de febreiro

O alumnado de 5º de primaria dos colexios de A Valenzá confeccionarán os bonecos para a regueifa de comadres, que se celebrará na Praza Vella ás 12:30H.

Venres 28 de febreiro

Os desfiles infantís do CEIP Filomena Dato, CEIP O Ruxidoiro e do Colexio Luís Vives xunto co Centro Ocupacional “As Burgas”, dará o pistoletazo de saída ás 11:30H, nun evento no que participarán preto de 1.200 nenos e nenas.

Ese mesmo día Lito, da orquestra Panorama, dará ás 20:00h o pregón das festas; que será seguido pola Cea de comadres nos distintos locais hostelerios de A Valenzá (haberá descontos para quen teña reserva previa). A festa continuará con Gramola Disco ata as 02:45h.

Luns 3 de marzo

Concurso de disfraces infantil no parque da Solaina (no caso de que as condicións climatolóxicas sexan adversas, celebrarase no patio do CEIP Filomena Dato).

Martes 4 de marzo

O Gran Desfile de Entroido sairá desde a ponte da Avenida de Celanova ata a entrada de Ourense nun viaxe só de ida, condición que se levaba demandando desde hai tempo debido ó número de persoas que participan nel. A entrega de premios das distintas categorías do desfile celebrarase ese mesmo día ás 20:00h.

Mércores 5 de marzo

Desfile fúnebre e a posterior queima do meco, que virá acompañada dun espectáculo de lume e fogos artificiais de Mystic Fire.