Renfe ofertará billetes especiais para Entroido

Renfe pon en marcha a campaña “Ven ao Entroido de Ourense” para facilitar os desprazamentos desde Madrid durante estas festas. A iniciativa ofrece billetes a un prezo especial de 30 euros en trens de alta velocidade, permitindo pasar un día e unha noite na cidade gozando da celebración antes de regresar ao día seguinte.

A promoción estará dispoñible para os trens que partirán o sábado 1 de marzo desde a estación Madrid Chamartín - Clara Campoamor ás 13,15 e ás 14,40 horas, así como para o tren de regreso programado para o domingo 2 de marzo ás 6,30 horas desde Ourense.

Desde hoxe

As prazas son limitadas, e os billetes poderanse adquirir desde hoxe ata o 1 de marzo a través da web de Renfe, a súa aplicación móbil, as billeteiras das estacións, máquinas autovenda e venda telefónica. Tamén estarán dispoñibles en axencias de viaxes físicas e virtuais. A campaña busca atraer visitantes que poidan vivir este Entroido.