Os zarramoncalleiros de Cualedro volveron correr

Un ano máis, o Domingo de Corredoiro foi a data sinalada na que os zarramoncalleiros da vila cualedresa saíron ás rúas por primeira vez, presumindo das súas características mitras de cor amarelo. Un nutrido grupo fixo sonar as chocas percorrendo a rúa Luis Taboada, camiño da misa na igrexa de Santa María, onde recibiron os fregueses e os seus traxes foron bendecidos.

Co posterior descubrimento da careta do zarramoncalleiro que loce na fachada da Casa do Concello deuse por iniciado de xeito oficial o Entroido de Cualedro. Por diante, este venres terá lugar, dende as 11,30 horas, o gran desfile infantil do CEIP Vicente Risco, coa participación de tódolos personaxes típicos dos catro entroidos locais: zarramoncalleiros de Cualedro, mázcaras da Xironda, damas e galáns de Carzoá e castrón meco de Rebordondo.