Agenda | ¿Qué hacer en Ourense hoy, sábado 17 de mayo?

Consulta los eventos de Ourense hoy, con la agenda del sábado.

Os entroidos despregan a súa festa en Viana do Bolo no X ViBoMask

Comeza a X edición do Festival Internacional Mascarada Ibérica ViBoMask. O evento, que se celebrará ata o domingo en Viana do Bolo e Vilariño de Conso, aglutina mascaradas de case medio cento de localidades distintas de Galicia, España e Portugal.

Hoxe a celebración céntrase en Viana do Bolo, que desde a mañá abre o ViBoMarket, mercado de produtos típicos e artesanais. A partir das 17,00 horas desenvolverase o gran desfile do X Festival Internacional polas rúas da localidade con música e actividades para distintos públicos. Mañá, domingo, as celebracións trasládanse a Vilariño de Conso, coa apertura do ViBoMarket ás 10 da mañá. A partir das 11,30 horas, as distintas mascaradas percorrerán a vila no desfile central desta edición.

• DÓNDE: VIANA DO BOLO
• CUÁNDO: TODA A XORNADA

ACTIVIDADES

Valdeorras / “Florenciada”

A Fundación Florencio Delgado Gurriarán recupera, coa colaboración das veciñas de Córgomo, a festa popular na Aira dos Bolos. Dende as 12 da mañá haberá feira de artesanía e produtos locais, zona de xantar e cantos de taberna. Pola tarde, celebrarán unha foliada aberta ao público con Abertal, incluindo un obradoiro de baile para todos os públicos

• DÓNDE: CÓRGOMO
• CUÁNDO: A PARTIR DAS 10,00 HORAS

FEIRA

Ribadavia / “Revive”

Primeira xornada da Feira Revive do Ribeiro, un evento de suprareciclaxe e consumo consciente que incorpora tamén actividades vinculadas á conmemoración das Letras Galegas con obradoiros de elaboración de instrumentos e actuacións musicais.

• DÓNDE: IGREXA DA MADALENA
• CUÁNDO: TODA A XORNADA

CULTURA

Celanova / Raigame

A romaría etnográfica Raigame acada a súa XXII edición propoñendo unha viaxe ó pasado dende o burgo medieval de Vilanova dos Infantes, onde artesáns e grupos musicais e de baile lle renderán homenaxe á cultura popular galega.

• DÓNDE: VILANOVA DOS INFANTES
• CUÁNDO: DENDE AS 11,00 HORAS

TRADICIÓNS

Trives / Letras Galegas

A Asociación Cultural A Caniceira convértese nun espazo cheo de música, tradición e diversión para os máis pequenos da casa. A agrupación Macizas Centrais, que este ano celebra o seu 20 aniversario, organiza unha actividade matinal para achegar a cultura popular galega á infancia dun xeito lúdico e participativo.

• DÓNDE: ASOCIACIÓN A CANICEIRA
• CUÁNDO: DENDE AS 11,30 HORAS

DEPORTES

Barbadás / Cavernícola Race

O Concello de Barbadás organiza a VI edición da Cavernícola Race, unha proba que xa conta cun oco propio no calendario de carreiras de obstáculos a nivel nacional. Este ano colabora coa Asociación Española Contra o Cancro (AECC) en Ourense.

• DÓNDE: BARBADÁS
• CUÁNDO: A LAS 15,30 HORAS

CERTAME

Allariz / Festival de Xardíns

Inauguración da décimoquinta edición, que este ano se celebra baixo o lema “Cambio climático, unha oportunidade para o xardín”, propoñendo unha reflexión colectiva sobre como os espazos verdes poden contribuír á mitigación e adaptación fronte á emerxencia climática. Máis dunha trintena de proxectos presentáronse a concurso, dos cales nove verán a luz esta tarde.

• DÓNDE: FESTIVAL DE XARDÍNS
• CUÁNDO: ÁS 18,30 HORAS