Regresa a Laza a súa Cea do Cocido

Ao igual que na edición anterior, o Entroido lazano é sinónimo dun sabroso cocido o último Venres de Folión, o vindeiro 28 de febreiro. A coñecida como Cea do Cocido do Entroido de Laza terá lugar na entrada da vila, a partir das 21,30 horas, baixo unha carpa climatizada, un plan perfecto para quentar o corpo ata o posterior gran folión da medianoite

O prazo para inscribirse nesta cea popular remata este domingo, 23 de febreiro, e o prezo das entradas é de 21 euros para adultos e de 15 euros para nenos ata 8 anos. As entradas están á venda nos bares de Laza, no bar América de Verín ou ben a través do teléfono 617 940 728 ou no correo acenlazados@gmail.com.

Dende a organización aproveitan ademais para lembrar que os días 2, 3 e 4 de marzo haberá asimesmo xantar e cea, a base de churrasco, carne ao caldeiro, chuletas e cocido (este último por encargo).