Podcast "Ciencia de ida e volta" | Día Mundial da Pesca: "Temos que coidar os mares, é a nosa responsabilidade"

Andreu Blanco Cartagena, investigador posdoutoral da Xunta de Galicia no grupo Future Oceans Lab do Centro de Investigación Mariña da UVigo (CIM-Universidad de Vigo), participa no podcast de Ciencia de Ida e Volta.

Falaremos con el sobre as actividades divulgativas polo Día Mundial da Pesca, unha data impulsada pola FAO para poñer en valor as comunidades pesqueiras e destacar a importancia da actividade para a sustentabilidade mariña. Con motivo desta data, a UCC+i da Universidade de Vigo promove dúas accións divulgativas no CPI do Toural, en Vilaboa: unha actividade gamificada sobre adaptación da pesca ao cambio climático, que lidera Andreu, e un obradoiro artístico con lixo mariño conducido pola artista Mar Fraga, de Enmalle Studio, especializada na reutilización de materiais mariños con fins creativos, e pola investigadora da UVigo Antía Iglesias.

Estas accións forman parte do plan especial do 5º aniversario do programa Ciencia de Ida e Volta, que conta coa colaboración da Fundación Española para la Ciencia y la Tecnología (FECYT) do Ministerio de Ciencia, Innovación e Universidades.