Un ferrolano gaña 500.000 euros en 15 minutos nunha partida de póker

Un xogador ferrolano conseguiu un premio de 500.000 euros ao proclamarse gañador dun torneo de póker por Internet, segundo informou a entidade organizadora, Pokerstars.es.

O xogador alzouse coa vitoria do premio total nunha partida con 52 mans rexistrada o 24 de febreiro, que durou 15 minutos. Os seus rivais na mesa de xogo levaron un premio de 50.000 euros cada un como finalistas.

Con esta vitoria, son xa tres as ocasións nas que estas partidas conceden o premio máximo en apenas un mes, os días 2, 3 e 24 de febreiro.