Un mel “familiar” de Laza destaca en Londres pola súa calidade

José Antonio Pazos “Ñaka” e Lucía Parente, afincados en Souteliño (Laza), están detrás de “Mel Aialma”, un produto caseiro producido no rural, que vén de ser distinguido por cuarto ano consecutivo na categoría de ouro dos London Honey Awards ao seu mel de castiñeiro.

Esta distinción súmase a outras que Aialma recibiu estes anos, dentro e fóra do Estado. Este proxecto de apicultura “familiar” nos montes de Laza, acompañados dos fillos Lúa e Aldán, recupera as alvarizas de pedra, construcións con varios séculos de antigüidade que protexían as colmeas dos osos.

Dous na provincia

“O Mel da Inés”, da coruñesa afincada en Vilar de Santos Inés Mirás, e “Doce Bágoa”, de Boborás, son os outros dous meles ourensáns premiado en Londres, onde tamén recibiron distincións catro de Pontevedra, un da Coruña e outro de Lugo.