O alcalde de Manzaneda perde 2 edís e a maioría

O tenente de alcalde do Concello de Manzaneda, Antonio Núñez Fernández, presentou durante a xornada de onte a solicitude para formar parte do grupo de concelleiros non adscritos, deixando atrás o seu cargo como concelleiro do PSdeG-PSOE. Así o facía tamén Miguel Domínguez Hervella, quen deixaba tamén de formar parte do grupo de goberno como edil de Patrimonio.

No documento presentado ante a entidade local, Antonio Núñez alega motivos “estrictamente políticos e ideológicos, principalmente relacionados con el desacuerdo con la línea política del grupo, muy alejada de las promesas electorales, y la pérdida de confianza en la dirección del mismo”.

Asegura que no partido existen “decisiones unilaterales, falta de transparecia y autoritarismo”, é por elo que decide abandonar o Grupo Político Municipal do PSdeG-PSOE, do que forma parte dende as pasadas eleccións de maio do 2023. Durante os últimos comicios, os socialistas acadaron 5 concelleiros fronte aos 2 do Partido Popular. Ante a nova situación, o alcalde Amable Fernández, que non quere pronunciarse sobre este tema, perde a maioría e a oposición aumenta a 4 o número de concelleiros fronte aos 3 dos socialistas.

O propio tenente de alcalde publicaba nas súas redes sociais o escrito presentado “facendo pública a súa decisión” que colleu por sorpresa a moitos veciños do lugar, aínda que moitos deles eran coñecedores das discrepancias.