660.000 euros en axudas para a destilación de crise nas D.O. Ribeiro e Monterrei

CONSELLO DA XUNTA

A Xunta prevé convocar esta semana unha nova orde de axudas para a destilación de crise do viño, dirixida ás adegas das denominacións de orixe (D.O.) Monterrei e Ribeiro

Viñedos en el municipio de Beade, donde convive la gran diversidad de variedades del Ribeiro, tanto blancas como tintas.

O Consello da Xunta deste luns recolle que este venres publicarase no DOG unha nova convocatoria de axudas para a destilación de crise, desta vez dirixida ás adegas das denominacións de orixe (D.O.) Monterrei e Ribeiro, cun orzamento propio de 663.589,47 euros.

A medida busca reducir a estocaxe acumulada e dar saída ao produto sen alterar o mercado, convertendo o viño en alcohol de uso industrial (non alimentario).

A iniciativa, autorizada pola Comisión Europea a petición da Xunta a través da Consellería do Medio Rural e en coordinación co sector, subvencionará ás adegas destas dúas D.O. que se acollan ao proceso, cunha compensación de 0,965 euros/litro para Monterrei e de 0,66 euros/litro no Ribeiro.

A destilación deberá estar rematada antes do 15 de decembro e a documentación xustificativa poderá presentarse ata o 20 de decembro deste ano.

Trátase dunha medida excepcional e puntual xa aplicada o pasado ano, cando se destinou medio millón, e da que se beneficiaron 15 adegas da D.O. Ribeira Sacra.