Castrelo urxe unha pronta resolución do concurso para o parque de lecer

ocio

A instalación recreativa pensada polo Concello contempla a dotación de tobogáns, camas elásticas, pontes, pasarelas e trampolíns de plástico na superficie do río.

Zona do embalse de Castrelo onde está previsto o parque acuático. (M. ÁNGEL)

O pasado 15 de xullo remataba o prazo de presentación de propostas ante a Confederación Hidrográfica para a ocupación do embalse de Castrelo de Miño con instalacións destinadas a un proxecto de lecer. A esta convocatoria aberta e pública concurriu o propio Concello de Castrelo, solicitando unha superficie de 400 metros cadrados do río para levar a cabo a creación dun parque acuático, cun investimento previsto de 50.000 euros.

"Aínda non temos novas da Confederación sobre se houbo máis solicitudes que a nosa ou se xa dispomos autorización para a instalación do noso parque", apunta o alcalde do municipio, Xurxo Rodríguez. A instalación recreativa pensada polo Concello contempla a dotación de tobogáns, camas elásticas, pontes, pasarelas e trampolíns de plástico na superficie do río.

Contenido patrocinado