O Museo de Ribadavia ofrecerá Poesía Enriba

O Museo Etnolóxico de Ribadavia ofrece a IV edición do Poesía Enriba. Terá lugar na Igrexa da Madalena os próximos días 2 e 3 de agosto.

Así, na primeira xornada do venres, a partir das 21,30 horas, contarase con Carlos Santiago, escritor, poeta, dramaturgo e director escénico; e David Trashumante, poeta, xestor cultural, editor, creador de vídeos e performer. Mentres que o sábado estará Yolanda Castaño, Premio Nacional de Poesía 2023, poeta, tradutora, editora e xestora cultural; e Aida Saco Beiroa, que vive en Nova York e leva dous anos na prestixiosa Manhattan of Music, e Marcos de la Fuente, que leva cinco anos integrado na escena poética da mesma cidade, moi activo organizando eventos culturais, colaborando con músicos e poetas, e que presentan “As cordas invisibeis”, ás 21,30 horas.

Ademais, tamén está previsto o Obradoiro de Ecopoesía, o día 3, ás 12,00 horas, impartido por David Trashumante. Trátase dun obradoiro intensivo que permitirá coñecer a poesía, unha corrente poética incluída dentro da literatura (escritura da natureza), moi influenciada polo transcendentalismo norteamericano, e que inclúe poéticas que se estruturan a través da recuperación da cultura rural.