Ribadavia contará cunha nova gardería con 20 prazas

A conselleira de Política Social e Igualdade, Fabiola García, acompañada do alcalde, César Manuel Fernández, visitaba en días pasados as instalacións onde se instalará este recurso e cuxa atención educativa será gratuíta para todos os pais gracias ao financiamento do Goberno galego a todos os centros da Comunidade.

Durante a visita, a conselleira de Política Social e Igualdade destacou que este novo centro permitirá que o vindeiro ano as familias desta localidade, situada no corazón do Ribeiro, “teñan máis facilidades para conciliar e ver medrar aos nenos”. Lembrou, ademais, que a axuda que recibe o Concello de Ribadavia procede da orde para a creación de prazas de titularidade municipal que permitirá crear novas prazas de atención 0 a 3 anos.

Fabiola García sinalou que Galicia se ten convertido nunha referencia a nivel nacional na conciliación das familias gracias a medidas como a gratuidade de todas as escolas infantís; a creación de casas niño para levar a conciliación a concellos onde non existían estes servizos; e tamén mediante o Bono Concilia Familia, que ofrece axudas para a contratación dun apoio extraordinario de conciliación en períodos de lectivos. Este servizo reforzará o existente da Galiña Azul.