Ribadavia inaugura hoxe o Nadal coa Gala Ferrero Rocher

Ribadavia inaugura hoxe o seu Nadal coa Gala de Ferrero Rocher, na que se acendeu o alumeado co que se premiou á vila gañadora do Concurso “Juntos Brillamos Más”. A capital do Ribeiro xa ten todo preparado para a gala que se celebrou na Praza Maior a partir das 19,00 horas, presentada por Jesús Vázquez e na que participaron membros de Ferrero Rocher ademais do alcalde, César Fernández.

Con motivo desta celebración, a rúa Progreso permanece cortada ao tráfico dende o cruce coa rúa Ribeiro e ata o cruce de Francelos, xunto coa pasarela da Foz, dende as 16,00 horas.

Habilitáronse zonas para estacionamento de vehículos no entorno do Complexo Deportivo do Xestal, na rúa Veronza, na esplanada do IES Ribeiro, na rúa Consello e na contorna do polideportivo O Consello. Tamén a área de autocaravanas é exclusivamente para estacionamento de turismos.

O presidente do Goberno galego, Alfonso Rueda, quixo felicitar persoalmente aos representantes municipais por ser Ribadavia a gañadora deste concurso e desprazouse na tarde de onte ata á vila para dar un paseo polo seu casco histórico, acompañado do alcalde, César Fernández, entre outras autoridades.