O perdón dos pecados

“Anímate fillo, os teus

pecados sonche perdoados”

(Mateo 9:2)

Que doado é botar ao vento as palabras! Ou dizer o que as persoas queren ouvir!

Ego te absolvo! Xesús ten misericordia dun home tolleito que estaba deitado nunha padiola. Cando perdoa os seus pecados algúns dos escribas pensan que está a blasfemar. Pero Xesús coñecía os seus pensamentos e dilles: por que pensades mal nos vosos corazóns? Pensaban mal del. A autoridade de Xesús estaba baixo o título de Fillo do Home. Para os estudosos da época falar neses termos era unha blasfemia porque citaba directamente a profecía de Daniel. Xesús soluciona dúas incógnitas no mesmo instante. Podería perdoar pecados? Podería ser o Fillo do Home? De forma espectacular actúa e levanta ao tolleito da súa padiola. Ninguén podía explicar este feito, pero poucos acreditaron no seu nome.