Éxito rotundo no décimo aniversario de Nova Era en Ourense

ESPECTÁCULO "DEZ"

O Auditorio de Ourense acolleu a súa primeira década de vida da Banda de Gaitas Nova Era cun éxito rotundo

A actuación da banda Nova Era de Monterrei, onte na cidade, ante un público entregado. | Xesús Fariñas

A Banda de Gaitas Nova Era, orixinaria do Val de Monterrei, celebrou este domingo a súa primeira década de vida cun éxito rotundo no Auditorio de Ourense. O espectáculo “DEZ” reuniu sobre o escenario a máis de 70 intérpretes nunha montaxe ambiciosa que, a través de varias suites musicais, desdebuxou as fronteiras entre a gaita tradicional, o jazz e a música orquestral.

A formación dirixida por Álvaro Isaac Rúa demostrou a súa madurez artística nun concerto histórico que repasou a súa traxectoria de constante experimentación sonora. A cita, que o público despediu cunha longa ovación, verá a luz en formato audiovisual a finais de ano para inmortalizar este fito cultural.

O evento amosou que a música tradicional ten a capacidade de reinventarse e seguir xerando comunidade.