O OUFF galardoa a Avelina Prat pola súa ópera prima: "Una quinta portuguesa"

A directora valenciana Avelina Prat recolleu onte o Premio á Mellor Ópera Prima Española que lle concedeu o Ourense Film Festival (OUFF), pola película “Una quinta portuguesa”. A entraga tivo lugar no Teatro Principal, onde a cineasta agradeceu o recoñecemento e puido conversar co público asistente logo da proxección da súa obra.

Este primeiro filme dae Prat explora a falta de comunicación. “Cómo nos comunicamos cos demáis é a base de calquera relación, e a min paréceme o máis complicado”, dixo a directora que afirmou que “calquera conflicto que se xenera ten unha base na comunicación entre as persoas”.

A cineasta aproveitou a oportunidade para poñer en valor o traballo dos intérpretes da súa historia, Manolo Solo e Maria de Medeiros. “Son eles quen poñen a cara, quen fan que a personaxe sexa crible e se faga realidade”, dixo e contou que a película está centrada nesas outras posibles vidas que un pode ter. “Todos nalgún momento fantaseamos con ser outra persoa”, recoñeceu.

Antes da súa entrada na industria cinematográfica, Avelina Prat traballou como arquitecta. Foi no 2004 cando comezou a ser supervisora de guión, acumulando as súas costas máis de 30 longametraxes á beira de directores como Fernando Trueba, Cesc Gai, Manuel Martín Cuenca ou Javier Rebollo.