O PSOE insta ao goberno local a reformular os pregos do lixo

Ante o “empeoramento continuo e patente” dos últimos anos no servizo de recollida de residuos e limpeza viaria do Concello, o PSOE levará ao vindeiro pleno de marzo unha iniciativa para instar ao goberno local a reformular os pregos de licitación do contrato, introducindo as melloras en materia de contratación laboral pactadas e implementar na valoración técnica da licitación a educación ambiental.

“Moitos colectores están rotos ou en mal estado, a frecuencia de recollida non é axeitada nin responde ás necesidades da veciñanza e o lixo acumúlase por mor de dita frecuencia”, destaca a edil María Fernández.