Aquilino Domínguez recolle distinción europea en Parada de Sil

Parada de Sil recibe unha distinción na convocatoria da Comisión Europea para ser Capital Europea da Diversidade e a Inclusión. O recoñecemento premia o proxecto presentado na categoría de vivenda inclusiva, centrado nas vivendas municipais de Fondodevial, que xa foran destacadas por motivos arquitectónicos e hoxe acollen perfís diversos: unha persoa con discapacidade, unha nai con dous fillos pequenos, un emprendedor que abriu un negocio no municipio, unha parella formada por un agrogandeiro e unha perruqueira, e traballadores da hostalería e dunha adega.

A candidatura compartiu espazo con cidades como Braga, Gualdo Tadino e Zaragoza, que acadaron os premios principais. Aínda que Parada non obtivo medalla, foi un dos dous únicos finalistas, xunto con Río, que recibiu unha distinción especial: un diploma e unha placa entregados pola Comisión Europea.

O alcalde, Aquilino Domínguez, recolleu o galardón acompañado da técnica Uxía Álvarez Zuñiga e anunciou que volverán presentarse o ano que vén.