LOS TITULARES DE HOY
La portada de La Región de este sábado, 30 de mayo
Galería | Ourense acende o lume para os magostos
GASTRONOMÍA E TRADICIÓN
Magostos animan a provincia de Ourense con música, queimada e tradición
O fume das castañas e o son das gaitas encheron onte a provincia, dando o pistoletazo de saída a unha intensa axenda de magostos que uniu veciños e encheu pavillóns. A festa estendeuse dende Maceda, onde celebraron na nave do Toural con música e queimada; ata A Limia, onde a cita tiña un aquel especial: o CDR O Viso celebrou o seu 40º aniversario na casa reitoral de Lodoselo (Sarreaus) con obradoiros e merenda compartida. A comarca de Celanova non foi allea, coa festa na nave de Cacabelos (A Bola) e unha nutrida presenza veciñal no pavillón da Merca. Outros puntos como Vilanova dos Infantes e Trives tamén se uniron á celebración.
Mentres, a cidade viviu o seu particular “derbi do magosto” entre PP e PSOE (en Aixiña e no Campo da Feira, respectivamente).
Os populares fixeron unha demostración de forza ao congregar máis de medio milleiro de persoas e aproveitaron para destacar a “forza e ilusión” do partido para “cambiar o rumbo” da cidade.
Contenido patrocinado
