O amor por Velo chega ata Quintela de Leirado

O Museo da Emigración a Guinea Ecuatorial de Quintela de Leirado acollerá o vindeiro mes a exposición “Love Velo”, que atende á figura de Xosé Velo (1916-1972), o político e escritor antifranquista e antisalazarista de Celanova que falleceu no exilio en Brasil.

“Love Velo” atende ao percorrido vital de Velo, dándolle contexto ao seu compromiso co galeguismo. Así, esta mostra chega a Quintela de Leirado pondo en valor o papel que xogou Guinea Ecuatorial na vida de Velo e os emigrantes galegos.

Os asistentes á inauguración poideron desfrutar da interveción do director, Aser Álvarez, quen ademais de facer unha explicación da exposición, mostroulles en primicia un adianto da curtametraxe documental que se estreará en 2026, chamada “Expediente Xosé Velo”, o remate da triloxía de Álvarez sobre este persoaxe co gallo do 65 aniversario do secuestro do Santa María o 22 de xaneiro de 1961.

Álvarez adiantou que o vindeiro ano se publicara a nivel estatal a escolma de textos do autor compilada en “Textos escollidos” pola editorial Renacimiento.