O Castelo da Saínza caeu nas mans dos mouros

Rairiz de Veiga vive estes días a súa senlleira romería da Saínza, que se achega ós 185 anos de historia dunha festa que busca ser declarada de Interese Turístico Nacional.

Esta celebración é recoñecida pola súa “batalla de mouros e cristiáns”, na que ambos bandos intentan ocupar O Castelo da Saínza, e que serve para despedir as festas do verán na comarca.

Malia que as celebracións xa comezaron o pasado venres, foi onte cando comezaron as hostilidades entre os bandos protagonistas. Pola tarde tivo lugar a procesión da Nosa Señora da Merced, que percorreu as rúas antes do asalto ó Castelo. Esta lide, antesala do gran combate de hoxe, propiciou que os moros tomaran o enclave á medianoite, logo do desfile do exército cristián dende a capela ata o campo de batalla.

Coma tódolos anos, o campo da festa acolleu unha verbena que se alargou hasta ben entrada a madrugada, na que os mestres de cerimonias foron a orquestra La Ola ADN e a discoteca móbil “Apocalipsis”, que comezou o seu espectáculo pasadas as 2,00 horas.

O entorno natural da Carballa da Rocha acolleu a unha morea de veciños e visitantes, que se achegan para gozar dunha fin de semana de devoción e honra á Virxe, recreación histórica, e como non, comida e viño.

A gran batalla

A xornada de hoxe dará comezo cunha alborada a cargo da charanga Los Támega, que servira de preámbulo á procesión da Santa Nai, que irá dende a igrexa de Rairiz ata o Castelo. Alí celebrarase unha misa solemne ás 12,00 horas, que dará paso ó momento máis esperado da romería: o gran combate de mouros e cristiáns.