Carlos Manuel Rodríguez: “A IXP abriulle moitas portas ao Pan de Cea en España e no mundo"

Carlos Manuel Rodríguez deixa o cargo de presidente do Consello Regulador de la Indicación Xeográfica Protexida Pan de Cea, un posto que ocupou dende a constitución da entidade, en 2004, e que agora asumirá Juan Luis Calviño. Foron máis de 20 anos de traxectoria nun organismo que foi clave para impulsar o Pan de Cea como producto diferenciado, aínda que a súa labor na defensa deste producto e a súa calidade xa comezou dende a Asociación de Panadeiros, que tamén impulsou anos antes.

Pregunta. ¿Foi difícil tomar a decisión de renunciar a presidir o Consello Regulador?

Respuesta. Son decisións que hai que tomar. Hai que dar paso ás novas xeracións. Queda en boas mans, porque Juan Luis Calviño leva comigo na vicepresidencia desde o principio. Eu vou seguir dispoñible para o que faga falta, pero creo que é hora de deixar paso á xente nova.

P. Leva toda unha vida dedicada ao impulso do Pan de Cea, primeiro coa Asoaciación de Panadeiros

R. O primeiro paso foi en 1991, cando nos organizamos para crear a Asociación de Panadeiros, conseguir rexistro sanitario e licenza municipal para producir e vender o auténtico pan de Cea. Había moito intrusismo e risco de peche dos fornos. Recollimos documentación histórica sobre o pan e a súa elaboración e fixemos un prego de condicións que enviamos á Unión Europea. En 2004 obtivemos a primeira IXP de pan en Europa.

P. ¿Que supuxo a IXP para o Pan de Cea?

R. Sobretodo evitou falsificacións e o intrusismo, e aumentou a confianza do consumidor. Por exemplo, no primeiro ano do Consello Regulador certificáronse 700 “poias” de pan e hoxe superamos os 800.000. A IXP abriu moitas portas en España e no mundo e reforzou o noso producto.

P. ¿Hai relevo xeracional nos panadeiros?

R. Si, hai xente que se xubila e algúns fornos pecharon, pero tamén hai moita xente nova interesada, normalmente familiares de panadeiros. Eu son un advenedizo porque a panadeira é a miña muller, pero funme implicando no forno dos meus sogros e no 84, cando se xubilaron, quedamos co forno do Carlos, en Faramontaos de Cea.

P. ¿Ata onde chega a súa comercialización a día de hoxe?

R. Temos o privilexio de que nos atravesa a Ruta da Prata e peregrinos de todas partes do mundo coñecen o noso pan. Tamén as novas comunicacións axudan moito. Hoxe se recolle o pan no forno as sete da tarde e as nove da maña está en calquera punto da xeografía española. Tamén estamos presentes en feiras internacionais, como a de Turín, en diversos países e en restaurantes Estrella Michelín.

P. ¿E qué supón a Festa do Pan?

R. É moi importante, e aquí hai que destacar o esforzo dos panadeiros, do Consello Regulador e tamén do Concello de Cea, que sempre nos apoiou en todo o que ten que ver coa promoción do pan.

P. ¿Cales son os retos de futuro do Pan de Cea?

R. A miña meta era conseguir vender un millón de “poias” ao ano, hoxe andamos en algo mais das 800.000. Non puden chegar a ese obxectivo pero en un par de anos penso que van a superar esa cifra. Os panadeiros traballan con ahínco, o producto vai cada paso a mais e penso que a saúde do pan de Cea é moi boa, e incluso nos está ata superando hoxe en día.