Sandiás busca apoio en Medio Rural para a mellora de camiños

A directora xeral da Axencia Galega de Desenvolvemento Rural, Paz Rodríguez, xunto ao delegado territorial da Xunta en Ourense, Manuel Pardo, reuníronse onte pola mañá co alcalde do concello de Sandiás, Felipe Traveso.

O encontro entre os reponsables tivo lugar na Delegación territorial de Ourense, e nel abordáronse diferentes asuntos relacionados coas infraestruturas rurais deste concello ourensán, e concretamente no que atinxe á colaboración por parte da Consellería do Medio Rural no arranxo e mellora de camiños municipais. Neste sentido, cómpre lembrar que Sandiás ten concedida unha axuda de 48.406 euros ao abeiro do Plan Camiña Rural para as anualidades de 2025 e 2026, para renovar camiños e mellorar a competitividade das explotaciones agrarias. Tamén se avanzou en materia de mobilidade de terras, especificamente das concentracións parcelarias.