CDR O Viso oferta 160 prazas para o seu campamento

O Centro de Desenvolvemento Rural O Viso abrirá o vindeiro 26 de maio o prazo de solicitude para a nova edición do seu campamento rural en Lodoselo para este verán. Ofertan 160 prazas, divididas en catro quincenas para grupos de 40 cativos cada unha. O prazo rematará o sábado 31 de maio.

O campamento desenvolverase dende ás 9,30 ata ás 13,30 horas, debido á demanda de conciliación das familias no rural, e é unha proposta educativa que trascende o espectro lúdico doutros campamentos. “Levámolo facendo case dez anos”, explicou Camilo Vila, pedagogo do CDR. A proposta susténtase na aldea como oportunidade para xogar e aprender a desfrutar dos recursos que ofrece, “incorporando novas tecnoloxías pero tamén validando ó xogar ca natureza e ca vida rural”, explicou Vila.

“O que fan os cativos é xogar e aprender”, engade, pero apunta que “as actividades que máis desfrutan son as relacionadas ca música”. Comenta que “nos últimos anos fixemos videoclips que os cativos desfrutan moito e que mesturan a vida rural, porque estamos xogando na horta, ca tecnoloxía, xa que ó mesmo tempo estamos gravando cunha cámara 4k”.

Está dirixido á rapazada de entre 3 e 12 anos, e desenvolverase dende o 1 de xullo ata o 30 de agosto, e facilitarase un transporte colectivo dende Xinzo.