Lodoselo foi unha “aula viva” esta semana para os alumnos da USC

A educación xogou un papel fundamental esta semana no CDR O Viso, que recibiu en Lodoselo a visita do alumnado de Educación Social da Universidade de Santiago de Compostela.

Os alumnos universitarios estiveron acompañados polo profesor Alexandre Sotelino nunha actividade que se centrou na ruralidade, a educación e a transformación social. Tamén estivo convidado o Instituto de Agroecoloxía e Alimentación da Universidade de Vigo, que falou sobre a importancia da biodiversidade do solo e da soberanía alimentaria como elemento chave para o futuro do rural.