Asilival considera un “desprezo” que se atenda a silicose en Ourense

A Asociación de Silicose de Valdeorras (Asilival) afirma que o feito de que o Sergas informara de que a comarca xa conta cunha unidade para tratar a silicose e outras enfermidades pulmonares é unha “falta de respecto e un desprezo á poboación afectada pola silicose”, ao tratarse dun servizo “localizado en Ourense”.

Dende a asociación lembran que o seu obxectivo é a consecución dun servizo de pneumoloxía ubicado “no distrito de Valdeorras”, e non renuncia a “reiniciar as conversas” coa xerencia de área, nin “unións estratéxicas” con sindicatos ou organizacións políticas para acadar ese fin.

Asimesmo, os responsables de Asilival, que piden o “apoio cidadán”, afirman que iniciarán os trámites e preparativos necesarios para realizar “concentracións e mobilización cidadáns” de cara á obtención do servizo de pneumoloxía.