O valdeorrés contará cun dicionario propio en liña

O galego “valdeorrés” podería ter o seu propio dicionario en liña nun prazo non afastado. A directora da Fundación Florencio Delgado Gurriarán, Débora Álvarez Moldes, anunciou onte na Rúa que esta iniciativa será posta enriba da mesa na reunión que manterá co director xeral de Política Lingüística da Xunta, Valentín García. O proxecto retoma os traballos de Florencio Delgado, que continuaron estudiosos como Camilo Valdehorras, Francisco Cobo ou Concha Álvarez Pousa. Ademais, solicitará a colaboración dos centros educativos, asociacións e residencias da terceira idade.

Álvarez Moldes o anunciou no acto de sinatura do convenio de colaboración cos concellos da Rúa, Petín e O Bolo, no cal foi acompañada polos seus alcaldes: María González Albert, Raquel Bautista e Alberto Vázquez, respectivamente. Ademais, estivo Elva Delgado, secretaria da Fundación Florencio Delgado Gurriarán.

Outros concellos que xa están tramitando a sinatura do convenio son O Barco, Vilamartín e Larouco. Álvarez confía en que sexan seguidos por Rubiá, A Veiga e Carballeda.