Alberto Prieto volve á política para “traballar por e para Verín”

EXCONCELLEIRO

O empresario de Verín Alberto Prieto anunciou o seu desexo de "traballar" pola vila como militante do PP

Jiménez Moran, Alberto Núñez Feijóo e Alberto Prieto, no recente XXI Congreso Nacional do PP. | CEDIDA

O empresario verinense Alberto Prieto, exconcelleiro do Concello xunto co actual presidente do PP local, Jiménez Morán, así como independente, vén de anunciar o seu regreso á “participación activa en política” 20 anos despois.

Prieto volve como “militante de base do PP, para traballar e axudar”, tras acudir ao XXI Congreso Nacional do Partido Popular en Madrid a pasada fin de semana, acompañado polo propio Jiménez Morán.

Para el, un goberno do PP sería “o mellor para Verín”, pero polo momento non se candidata. Si pide que o futuro candidato/a á alcaldía “saia de Verín, elixido polos de aquí, tanto se son eu como se é calquera outra persoa, que non sexa imposto”.

Prieto cre que “hai moito traballo que facer por Verín e non me vou quedar quieto”. Engade que “isto non vai de nomes, aquí non sobra ninguén, facemos falta todos. Quen veña ten que ter proxecto e un grupo detrás”.