Ducias de camións ben engalanados percorrerán Verín polo San Cristovo

A vila do Támega volverá acoller a xuntanza de conductores con motivo do San Cristovo, o patrón do gremio de transportistas. Segundo un dos organizadores, Evaristo “Tito” Salgado, haberá “polo menos 60 camións, pero esperamos chegar aos 70 do ano pasado”.

Así, o sector local tomará ás principais arterias do concello, cun desfile de camións engalanados que arrancará ás 16,00 horas deste sábado. Posteriormente, dende as 18,00 horas no barrio de San Antón, no entorno da Lonxa Agropecuaria, terá lugar a tradicional misa e procesión na honra do patrón. Durante a mesma, amenizada pola banda de gaitas do Riós, terá desenvolverase a homenaxe a compañeiros de profesión.

Ás 19,00 horas arrancará a música e sortearanse diversos agasallos e daranse premios entre os transportistas. Ademais, a cativada desfrutará de inchables e actividades pensadas para eles. Máis tarde comezará a amenización musical da Gramola, preludio da cea de compañeiros camioneiros, familiares e amigos.

Verbena e premios

O momento cume da velada vivirase pasada a medianoite, cunha verbena coa música da Gramola, e durante a que se fará entrega de premios aos tres camións mellor engalanados do desfile.