A Feira de Nadal regresa a Verín este decembro

ARTESANÍA E ALIMENTACIÓN

O Concello de Verín vén de anunciar un ano máis na Praza Maior a Feira de Nadal, que terá lugar na ponte de decembro, os días 5, 6 e 7 do vindeiro mes

Expositores na Praza Maior de Verín durante a Feira de Nadal do ano pasado. | Iago Cortón

As persoas interesadas en participar na Feira de Nadal de Verín deberán enviar á organización as ideas e propostas do seu produto, así como da decoración do seu expositor. A temática do mesmo deberá estar sempre relacionada co Nadal.

Este evento, que o ano pasado reuniu a un total de 33 postos, contará coa participación de artesáns e produtores do sector alimentario, que amosarán os seus produtos e decoracións inspiradas no espírito das festas.

A inscrición ten un custo de 45 euros e está aberta artesáns e profesionais da alimentación que cumpran cos requisitos estipulados nas bases de inscrición e presenten unha solicitude a través da sede electrónica do Concello, ata o día 14 de novembro de 2025.

Horarios

O 5 de decembro, venres, a Feira de Nadal abrirá de 17,00 a 21,00 horas. Posteriormente, os días 6 e 7 os expositores ofrecerán os seus produtos en horario de 11,00 a 14,00 e de 16,30 a 21,00 horas.

Contenido patrocinado