A Mancomunidade de Verín renova o seu convenio coa Cruz Vermella

800 USUARIOS

A Cruz Vermella presta servizo na comarca de Monterrei en distintos eidos con todo tipo de activadades e obradoiros, e a súa axuda durante a vaga de lumes deste verán foi vital

Felipe Ferreiro, presidente de Cruz Vermella en Ourense, e José Luis Suárez, presidente da Mancomunidad de Verín e alcalde de Monterrei. | La Región

A sede da Mancomunidade de Municipios da Comarca de Verín foi testemuña este martes da sinatura dun novo convenio de colaboración entre a entidade supramunicipal e a Cruz Vermella comarcal, protagonizada polos seus presidentes, José Luis Suárez e Felipe Ferreiro.

Co acordo, a Cruz Vermella recibe 5.000 euros para desenvolver as súas actividades. Suárez agradeceu “o labor que fan en múltiples ámbitos, como este ano cos lumes forestais que vivimos, pero sobre todo enfocado aos que máis necesitados”.

Pola súa banda Ferreiro dixo que eles están “sempre dispoñibles onde nos precisen, dende preventivos e charlas de primeiros auxilios, coa infancia e cos maiores, tódolos días. Só lamento que non se adhiran ao convenio tódolos concellos”.

Neste ano na comarca, preto de 800 veciños de tódalas idades participaron nalgunha das actividades desenvolvidas pola Cruz Vermella a través do convenio.