O Polo de Emprendemento de Verín promove sinerxias do sector turístico

FORMACIÓN ONLINE E GRATUÍTA

O Polo de Emprendemento e Apoio ao Emprego de Verín vén de anunciar a celebración dunha nova actividade dirixida a tódolos involucrados no sector do turismo na comarca de Monterrei

Polo de Emprendemento de Verín, en polígono de Pazos. | Cedida

Baixo o nome “Summer Networking Online”, trátase dun evento virtual proxectado con fin de conectar a persoas profesionalmente, o Polo de Emprendemento e Apoio ao Emprego de Verín facilita a reunión e interacción nunha época na que as vacacións e libranzas dificultan a celebración de actos e sesións no propio Polo.

Este evento está destinado a empresas e emprendedores que traballan directa ou indirectamente no sector do turismo, como hostalaría, gastronomía, restauración, artesanía, ocio e tempo libre, comercio, saúde e benestar.

Terá lugar o vindeiro 29 de xullo, de 11,00 a 13,00 horas, e os participantes e sectores participantes presentaranse a eles mesmos e os seus proxectos.

Ademais también haberá unha quenda para expór os intereses de cada empresa participante, necesidades e obxectivos fixados.

A finalidade principal do mesmo é que os participantes se dean a coñecer entre si e poñan en común os seus intereses e necesidades, inicien a cooperación necesaria, sumen esforzos e recursos e creen sinerxias en beneficio de todos.

Inscrición

Para atopar maior información sobre esta actividade gratuíta e inscribirse nela, basta con visitar a web do Polo de Emprendemento e Apoio ao Emprego de Verín ou escribir ao enderezo electrónico verin@polosemprendemento.gal.