O PP de Verín sinala o “abandono” dos barrios

As concelleiras do PP de Verín, Lara Da Silva, Sonia Arias e Beatriz Blanco, e o deputado autonómico Víctor Baladrón, achegáronse ao barrio da Cruz Vermella para escoitar as reivindicacións da veciñanza ante a “situación de abandono” que sufre esta zona da vila.

Segundo os populares, algunhas das deficiencias que presenta o barrio son rúas en mal estado e firme levantado son algunhas das deficiencias existentes neste barrio, un deterioro do pavimento que está a dificultar o acceso as súas vivendas e empresas

Apuntan a que os veciños levan escoitando durante un ano “falsas promesas” do grupo de goberno PSOE-BNG, unha “situación de desamparo” e “ausencia de atención” que fai que os veciños da Cruz Vermella reclaman unha solución.

Financiamento provincial

Dende o PP verinense reclaman ao grupo de goberno que “escoite á veciñanza, atenda as súas necesidades reais e deixe de enganalos”. Recordan ademais que teñen a oportunidade de incluír estas obras de mellora no Plan CooperOU da Deputación, que xa permitiu “o asfaltado de varias rúas no municipio, así como a adecuación do acceso ao polígono de Pazos ou a recente achega de 80.000 euros para iniciar a segunda fase de mellora da avenida Luís Espada”. Engaden que través deste plan provincial, o Concello de Verín acadará más de 2,1 millóns de euros nos catro anos de lexislatura.

Por outra banda, tamén ven necesario mellorar rúas céntricas como a Galicia, que se atopan nun estado “lamentable” e ocasionan “danos” nos vehículos que transitan por elas. Nos núcleos tamén hai rúas en mal estado, como é o caso de “Queizás, Vilamaior, Pazos e Tintores, entre outros”.