Ruta guiada polo Parque Natural do Invernadeiro para presenciar a berrea do cervo

O obxectivo da visita é a de poder escoitar en plena natureza o bramido durante a época do celo dos cervos, coñecido como “berrea”. A ruta partirá dende o centro de recepción de visitantes do Invernadeiro, ubicado no concello de Vilariño de Conso.

Ademais de que cómpre inscribirse na ruta, para realizar esta actividade é imprescindible asimesmo xestionar previamente a autorización de acceso ao parque natural chamando aos números de teléfono 988 386 376 ou 988 386 029, ou ben no enderezo electrónico servizo.conservacion.natureza.ourense@xunta.es.