Aquellos amigos | Año 1972: As festas de Casal de Bispo

Os protagonistas

Candita, Manolo, Sarita e Julio, dúas parellas de irmáns que se criaron xuntos na aldea de Casal de Bispo (Verea) e que aínda hoxe se consideran como familia entre eles. A foto foi sacada nunhas vacacións de Manolo, que daquela estaba emigrado en Alemaña, durante as festas parroquiais.

A historia

Eran os comezos dos anos 70. Manolo xa estaba en Alemaña, a onde marchou para reunirse coa súa nai, que xa traballaba alí. O seu irmán Julio quedaba en Verea, en Casal do Bispo. Pero non quedaba só. Coidaban del dúas “irmás” que, sen ser de sangue, aínda hoxe son parte da familia. Candita e Sarita, que así as coñecían na aldea, nunca deixaron de mirar por eles.

Pasaron xuntos os anos máis importantes, eses nos que se aprende a descubrir o mundo. Dúas parellas de irmáns que fixeron as súas vidas por separado pero que nunca esqueceron o vínculo que os unía. Lembran que cando a nai de Manolo e Julio marchou buscando un futuro económico mellor, eran elas as encargadas de axudalos coas tarefas da casa. Tamén coas galas que vestir para unha festa, unha como esta na que se inmortalizou esta familia.

Quizais Manolo daquela xa estaba en Alemaña, pero cada ano voltaba para os eventos importantes da aldea e para ver a Julio, Candita e Sarita, os seus irmáns.

En próximas semanas

Envíanos tu pandilla con su historia, anécdotas, el quién es quién...

vida@laregion.net

La Región, Polígono David Ferrer calle 4, 32901, Ourense