Andaina cultural coa Xeración Nós

Ponte Veiga, no Carballiño, foi o punto de saída da andaina cultural “Camiño de Nós”, unha ruta ambientada na viaxe a pé que realizaron dende Ourense a Santiago en 1926, Ano Santo, os galeguistas do Grupo Nós: Vicente Risco, Ramón Otero Pedrayo, Florentino Cuevillas, Xavier Pardo, Afonso Vázquez Monxardín, Lois Feixoo e Antón Sánchez.

Esta camiñada, que rememora un camiño que xa existía na Idade Media, rematou na Ínsua dos Poetas e contou cunha ambientación baseada na tradición e nas investigacións históricas, con xinetes a cabalo, carreteiros, arrieiros, música tradicional… unha forma de que os participantes se achegasen á historia e ao patrimonio cultural e natural da comarca.

Fotos: MARTIÑO PINAL