Concurrida festa dos foros en Seixalbo

A Asociación Agromadas e a Comisión da festa dos Foros de Seixalbo prepararon para este ano unha nova edición da Festa dos Foros e que incluiu teatro, música e moita festa.

Coa representación da obra “A Lagarada”, de Ramón Otero Pedraio, no auditorio de Penouzos deron comezo as actividades. Ao día seguinte, a praza do Cabildo acolleu a sesión vermú coa Trío Motobomba que deron paso a un xantar veciñal.

Pola tarde tivo lugar a entrega do Premio Freire Carril a docente, investigadora e conservadora do Patrimonio Cultural, Natalia Figuiras Pimentel; unha ruta polas adegas acompañada polo grupo Cantares da Cunha, e a música de Camachuelos e Tropical Boy como broche final.