Lembrando a Otero Pedrayo entre os mozos

A Fundación Otero Pedrayo e a Xunta de Galicia veñen de convocar un novo premio anual dirixido a estudantes de Secundaria e Bacharelato. O Pazo de Trasalba foi o escenario elixido para a presentación do certame, ó que acudiron un grupo de alumnos da zona. O obxecto da convocatoria é para traballos escritos e audiovisuais en galego en torno á figura do escritor da Xeración Nós.

No acto estiveron representantes das entidades convocantes do galardón, que coincidiron en salientar a importancia de difundir a figura de Otero Pedrayo e o seu legado entre as novas xeracións. O certame ofrece dúas categorías posibles de participación, unha individual e outra en grupo.

Fotos: Xesús Fariñas