Sexta cita arraiana en Entrimo

Entrimo volveuse converter na capital “arraiana” para celebrar a sexta edición dun encontro que reivindica a cultura dende o rural. Nesta ocasión nomeouse como Arraiano Maior da Raia Seca 2022 ó historiador Xosé Manoel Núñez Seixas e o diploma honorífico a Xosé Velo como Arraiano Universal. A vida e obra do recoñecido celanovés foi outra das caras da xornada, coa presentación do libro “Xosé Velo. Textos escollidos” e a proxección de traballos audiovisuais sobre a súa figura. A etnógrafa Mercedes Vázquez presentou a mostra “Trabalhos do campo na Raia Seca”.