O PP de Vilardevós critica a falta de limpeza

Unha das zonas sen rozar do termo municipal.

O Partido Popular de Vilardevós denuncia a falta de limpeza e desbroce de maleza nos pobos do concello. En concreto no pobo de Vilardevós é a propia veciñanza a que se ve na obriga de realizar estas tarefas ante a pasividade do grupo de goberno, segundo apuntan os populares, organizándose en brigadas de limpeza voluntaria para adecentar a localidade cos seus medios.

Desde o PP denuncian que o Concello non cumpre coa obrigatoriedade de manter limpas e en bo estado as rúas e zonas comúns. Segundo aclaran dende o PP, traballos para os que conta nestes momentos con 5 peóns, 1 chofer de desbrozadora e 1 tractor.

Os populares poñen a vista que esta falta de limpeza está a xerar a acumulación de lixo e maleza creando un entorno desagradable para os habitantes.

A alcaldesa, Eva Pérez, explicou que se vai limpando segundo se acercan as festas, para que cando se celebren, estean limpos. Ademais de que os medios do Concello están limpando continuamente, apuntando que onte se limpou en Vilardevós.