O Carlos Casares cumpriu 50 anos de ensinanza ós cativos limiaos

Educación primaria

O CEIP Carlos Casares celebrou o seu 50 aniversario nunha xornada emotiva e ateigada de música

O evento comezou ás 16,30 horas, acompañado dunha pequena tromba de auga que axudou a refrescar o caluroso ambiente. A apertura fixérona os alumnos, cunha interpretación musical que deu paso ó descurso da directora xeral de Ordenación e Innovación Educativa, Judith Fernández Novoa.

Tamén interviron o director territorial, Jorge Sampedro, e o alcalde da vila, Amador Díaz. Ó longo da xornada, tamén falaron María Freiría, presidenta da ANPA do centro, e o director do CEIP, José Carlos González. Finalmente, interviu Rochi Novoa, para falar sobre os valores en igualdade e diversidade que promove o centro.

Valentina, Sofía, Vera, Martín, Iago, Miguel, Alba, Enma e Claudia foron os encargados da parte musical.