A Garda Civil celebra o seu aniversario en Xinzo

Xinzo de Limia acollerá, consagrando un fito histórico para a vila, a primeira parada militar e o desfile oficial da Garda Civil, no marco do 181 aniversario da fundación do corpo. O xoves 22 de maio, ás 12,00 horas, a Praza Carlos Casares será o escenario deste evento, organizado pola Comandancia da Garda Civil en Ourense.

O evento contará ca presenza de autoridades, representación institucional e membros das distintas unidades da Garda Civil, que conmemora a súa creación en 1844. O desfile que sairá dende a Praza Carlos Casares incluirá unha formación oficial con horas, simbolizando o compromiso do corpo ca sociedade e a seguridade cidadá.

Dende o Concello de Xinzo, expresan o seu “agradecemento pola elección da vila como sede desta celebración”, que según eles marca “un feito que representa unha mostra do vínculo estreito e da colaboración constante” entre a administración local e as Forzas e Corpos de Seguridade do Estado.