Os músicos da Limia únense para homenaxear a súa patroa

Os músicos do Concello de Xinzo de Limia festexarán mañá, venres 21 de novembro, o día da súa patroa Santa Icía cun concerto especial onde compartirán escenario todos os centros musicais do concello, enmarcado dentro do festival organizado pola Agrupación Musical da Limia para celebrar o seu vixésimo aniversario.

A cita comezará ás 20,00 horas no auditorio “Angel Cocho” da Casa da Cultura, e contará coas actuacións do Conservatorio de Música Profesional de Xinzo de Limia (CMUS), a Escola Municipal de Gaitas e Percusión e a Escola de Música da Limia (Esmuli), e estará aberto a toda a cidadanía ata completar o aforo.

A Agrupación Musical da Limia aproveitará esta fin de semana para celebrar o seu XX aniversario con outras dúas citas. O sábado, a Igrexa Nova acollerá ás 19,00 horas a misa na honra de Santa Cecilia, que estará acompañada pola actuación da Coral Santa Mariña. Logo da misa, ás 20,00 horas, será a quenda do Agrupación Musical da Limia e a súa Chikiband de ofrecer un concerto paras as delicias dos asistentes.

Música Coral

O domingo 23, ás 17,00 horas, a Igrexa Vella acollerá o Festival Coral, que dará cita as agrupacións de música coral da comarca, contando coa participación do Coro de Trasmiras, a Coral de Baltar, o Coro Aimil e a Coral de Santa Mariña, dando peche a un fin de semana ateigado de música da man dos -grandes e pequenos- músicos limiaos.