Piscinas descubertas de Xinzo de Limia: horarios e prezos en 2025

O Concello de Xinzo de Limia abre a tempada estival das piscinas municipais descubertas o mércores 2 de xullo, a partir das 12:30 horas.

Horarios das piscinas de Xinzo

As instalacións permanecerán abertas durante os meses de xullo e agosto, cun horario continuado de 12:30 a 20:30 horas, de luns a domingo.

Como medida complementaria, o Concello manterá operativa a piscina climatizada durante o mes de xullo, nun horario reducido de 07:00 a 12:00 horas, para atender as necesidades das persoas que precisen este servizo por prescrición médica ou preferencia persoal. A climatizada pechará en agosto para mantemento.

O obxectivo desta medida é garantir o acceso á práctica deportiva en condicións adecuadas para todos os públicos, ofrecendo unha alternativa accesible para quen a necesite.

Prezos das pisicnas de Xinzo

Os prezos da entrada son de 1,60 euros para nenos de 4 a 16 anos; 2,30 euros para persoas de 16 a 65 anos; 1,60 euros para maiores de 65 anos e gratuita ata 4 anos. Os abonos de tempada son de 15 euros ata 16 anos e maiores de 65; 30 euros para maiores de 16 anos e 60 euros o abono familiar.