Convivencia en Maristas

Alumnos e profesores de Maristas gozaron da súa convivencia inicial ao comezo de outubro. Con distintos destinos segundo o curso, dende o Parque de San Lázaro para os pequechos de 4 anos ata o cume do monte Santa Tegra para primeiro de Bacharelato, a xornada de convivencia axúdalles a coñecerse un pouco mellor, afianzar as relacións como grupo e, na maioría dos casos, desfrutar un día na natureza, sexa cun bo baño na praia do Muíño (A Guarda) ou nas piscinas de Allariz, ou cunha andaina á sombra dos carballos, camiño de Cachamuíña ou do miradoiro da Moura (Nogueira de Ramuín). Tambén houbo tempo para aprender, dende como se elabora o cacao, na Fábrica-Museo do chocolate (Teimende) ata a vida e obra de Curros ou a historia do mosteiro de San Rosendo, na visita a Celanova de primeiro de ESO.