Descubrindo os tipos de alimentos no Concepción Arenal

Coincidindo coa data de creación da Organización das Nacións Unidas para a Alimentación e a Agricultura (FAO), a ONU decretou o día 16 de outubro como Día Mundial da Alimentación. Os alumnos das aulas de Pedagoxía Terapéutica de Secundaria do Concepción Arenal de Ourense sumáronse a conmemorar esta data con diferentes actividades.

Por unha banda, a través da manipulación sensorial, recoñeceron as diferentes familias de alimentos e aprenderon máis sobre as súas propiedades nutricionais e a súa posición na táboa periódica. Tamén demostraron as súas dotes artísticas facendo manualidades e recortando formas dos diferentes alimentos.