O Feijoo Zorelle, escola embaixadora da Unión Europea

O CPR Padre Feijoo-Zorelle foi elexido para participar no programa "Escuelas Embajadoras de la Unión Europea", unha iniciativa da oficina de información do Parlamento Europeo pensada para estimular o coñecemento de Europa e das democracias europeas entre os máis novos.

Coordinados pola súa profesora de Historia, Beatriz Nieto, alumnado de 4º de ESO e de 1º de Bacharelato están a cumprir o papel de embaixadores levando a cabo varios proxectos para transferir valores europeos ao resto de alumnos do centro. Entre os proxectos salientan a posta en marcha de obradoiros sobre a UE, visitas e entrevistas a representantes políticos, intercambio de impresións con alumnos doutros países e a organización e celebración de "La Fiesta de Europa", un evento plurilingüe e interdisciplinar que se celebrará o 9 de maio.