Innovación educativa no Xurés
Colexios da Baixa Limia participaron na IV Convivencia de Educación Social compartindo os seus proxectos
Na IV Convivencia de Educación Social, catro centros do Xurés (IES Aquis Querquernis e CEIP Xoaquín Lourenzo Xocas de Bande, CEIP Valle-Inclán de Muíños e CEIP do Xurés de Lobios) compartiron unha mostra de proxectos que reflicten o traballo realizado nas aulas para amosarllo a toda a comunidade.
Alí, os escolares presentaron obradoiros creativos, experiencias tecnolóxicas e iniciativas que poñen en valor a cultura e as tradicións do rural.
Estes proxectos non só evidencian aprendizaxes concretas, senón tamén a relevancia de contar con centros vivos, dinámicos e comprometidos co desenvolvemento educativo, social e cultural da súa comunidade.
Representantes da Facultade de Educación e Traballo Social, miembros do equipo decanal e as coordinacións docentes tamén presentaron os proxectos de innovación docente da Facultade.
Un ano máis, esta iniciativa, que conta coa colaboración do CFR de Ourense, confirma que os pequenos centros tamén son motores de grandes ideas e que a cooperación é o camiño para construír un futuro cheo de aprendizaxe, innovación e convivencia.
Contenido patrocinado
