Salesianos amosa a importancia da diversidade

Toda a comunidade educativa do colexio Salesianos vestiuse de azul para conmemorar o Día Mundial da Concienciación sobre o Autismo e lembrar a importancia da inclusión, o respecto e a comprensión. Deste xeito, os alumnos aprenderon que cada persoa con autismo ten unha forma única de ver o mundo, de sentir e de expresarse. Por iso, se todos aprendemos a escoitar e comprender, construiremos unha sociedade máis xusta e diversa. Co obxectivo de que esta mensaxe chegase a todos dentro e fóra das aulas, alumnos e profesores encheorn o centro educativo de empatía e cariño, tendo en conta que a diversidade fai máis grandes ás sociedades.